 |
غادة الشريف
|
شنت غادة شريف - صاحبة مقال "اغمز بعينك يا سيسي" - هجومًا شرسًا على حديث الداعية الحبيب علي الجفري أثناء حضوره اللقاء الأخير للرئيس عبد الفتاح السيسي .
وقالت في تدوينة عبر حسابها بـ"فيس بوك": "ايه لزمة إننا نجيب شيخ يمنى علشان يقولنا إحمدوا ربنا إنكم مش اليمن؟.. هو فيه مؤامرة تتعمل على بلدك أكتر من انها تتدمر تماما بالحرب و تتقسم بلدين بسور عظيم زى ما حصل مع ألمانيا، أو إنهم يشلفطوك بقنبلة نووية و بعد كده يمنعوك من أن يكون عندك جيش وطنى زى ما حصل مع اليابان؟.. هل فيه وطن ضاع أكتر من أوطان البلدين دول؟ لكن وقتها حكام البلدين دول كانوا عارفين كويس التعليم بيعمل ايه فى وطن بيضيع، فعلشان كده سلّحوا بلادهم بالتعليم و ركزوا عليه، و شوف بقينا فين يا قلبى و همّ راحوا لفين (يا دَهوِووووووتيييييى)" حسب تعبيرها.
وأضافت: "مش احنا رايحين نسلم التعليم لشارابينى اللي مايعرفش حتى يستهجى اسمه، و مطلع شارابينه ع العيال .. و بعد كده نجيب شيخ يمنى هو أصلاً مقيم فى مصر من قبل بلاده ما تتبعتر، علشان يقولنا إحمدوا ربنا أنكم مش اليمن .. أحييه و كمان أحيييه و إدينى واحدة ثالثة أحيييييييه .. ده أكيد دلوقت قادة ألمانيا و اليابان بيضحكوا ع العك اللى بنعكه حاليا و بيقولوا لشعوبهم إحمدوا ربنا إنكم مش مصر" حسب رأيها.
تعليقات
إرسال تعليق